კონკურსი 2013 წელს დაფუძნდა ქუთაისში - მელიტონ ბალანჩივაძის მშობლიურ ქალაქში, სადაც მან 1918 წელს დააარსა, დასავლეთ საქართველოში პირველი პროფესიული სამუსიკო სასწავლებელი. თავისი არსებობის მანძილზე, აღნიშნულმა სასწავლებელმა აღზარდა ცნობილ ქართველ მუსიკოს-შემსრულებელთა, პედაგოგთა და კომპოზიტორთა თაობები. სასწავლებლის კურსდამთავრებულები დღესაც აგრძელებენ სწავლას საზღვარგარეთის პრესტიჟულ უმაღლეს სამუსიკო სასწავლებლებში და წარმატებით მოღვაწეობენ მსოფლიოს სხვადასხვა ქვეყნებში.

მელიტონ ბალანჩივაძის სახელობის კონკურსის დაარსების იდეაც ამ სასწავლებელში დაიბადა.     2013 წელს ჩატარებული პირველი კონკურსის მიზანი იყო დიდი ქართველი კომპოზიტორის, მელიტონ ბალანჩივაძის შემოქმედების პოპულარიზაცია, მისი ვოკალური შემოქმედების ნიმუშებზე ინსტრუმენტული ტრანსკრიფციების შექმნის გზით. კონკურსი ჩატარდა საქართველოს კომპოზიტორთა კავშირის აქტიური ჩართულობით. კომპეტენტური ჟიურის მიერ არაერთი საინტერესო ინტერპრეტაცია იქნა გამოვლენილი.

მეტის ნახვა...

პარიზის ალფრედ კორტოს სახელობის კონსერვატორიის „Ecole Normale de Musique de Paris“ პროფესორი, ტოკიოს ონდაის უნივერსიტეტის მოწვეული პროფესორი. პიანისტთა საერთაშორისო კონკურსების; პულენკის (საფრანგეთი), სანტა სესილიას (პორტუგალია), მაგნუსის (ლიეტუა), PTNA და შოპენის (იაპონია-ტოკიო) ჟიურის წევრი, ტოკიოს რახმანინოვის სახელობის პიანისტთა საერთაშორისო კონკურსის ჟიურის თავმჯდომარე.

პორტუგალიელი პიანისტი და მკვლევარი,  პარიზის  საერთაშორისო უნივერსიტეტის, პორტუგალიის სახლის  - ანდრე დე გუვეიას დირექტორი,  რომელსაც აქვს პარიზის École Normale de Musique-ის უმაღლესი ხარისხის დიპლომი და სორბონის უნივერსიტეტის მუსიკისა და მუსიკათმცოდნეობის დოქტორის ხარისხი.

ჩინეთის, ტონჯის უნივერსიტეტის ხელოვნებისა და მედიის კოლეჯში და შანხაის კონსერვატორიის სოციალური განათლების სკოლის ფორტეპიანოს პედაგოგი, ალბერტის მე-4 საფორტეპიანო საერთაშორისო კონკურსის აღმასრულებელი დირექტორი და ჟიურის წევრი, ნიუ-იორკის, კარნეგი ჰოლის მუსიკალური ფესტივალის Golden Key-ის ჟიურის წევრი, ჩინეთის ჯინასტერას საერთაშორისო მუსიკალური კონკურსის აღმასრულებელი დირექტორი და ჟიურის წევრი.

პიანისტი და მუსიკოს-შემსრულებელი, იტალიის, ბერგამოს სანტა ჩეჩილიას მუსიკის აკადემიის პროფესორი. სანტა ალექსანდრეს მუსიკალური ლიცეუმის ვიცე-დეკანი. ბერგამოს დონიცეტის სახელობის კონსერვატორიის ფორტეპიანოს  კათედრის მასწავლებელი.

პიანისტი, ვილა-სანდრას საერთაშორისო საფორტეპიანო აკადემიის მუსიკალური დირექტორი ოსაკას მუსიკალური სკოლის და ინდიანას (სამხრეთ ბენდის) უნივერსიტეტის პედაგოგი, ოსაკას და ნარას ფილარმონიების სოლისტი, დეპოლის უნივერსიტეტის პედაგოგი.

სახელი:

ელ-ფოსტა:

შეტყობინება: